Zamboanga Del Sur –Dead on the spot el un Barangay Capitan ayer , despues con este tira el desconosidos persona na Purok Nangka , Tuburan , Ciudad de Pagadian.
Con el muerto victima ya puede identifica como si Reymundo Albiar , Barangay Capitan del Tuburan .
Na investigation del otoridad, mientras ta limpia el victima con el su vehiculo (army jeep) na canto lang del camino y serca lang na disuyu residencia , cuando aparece el dos desconosido persona abordo na motorsiclo y derepente ya handa tira con el victima por cuantos beses
El Barangay Capitan ya sustene tupada de bala na diperentes parte del cuerpo y na cabesa rason de este muerte.
Ademas el Pagadian City Police Station ta continua conduci el ondo investigation sobre con el mencionao incidente aver puede sabe el motivo y identification del mga etchor.
Mientrrastanto mas reciente ya hace ya sale el otoridad con el CCTV footage , donde uno del mga evidencia que ta dale mira sobre el matansa con el Barangay Capitan del Ciudad de Pagadian RAYMUNDO DODONG ALBIAR.
Base na video ta dale mira que , ta para el mencionao victima na sidewalk,mientras observando con su hente quien ta limpia aquel tiempo su vehiculo.
Despues el cuantos minutos , ya llega el cuatro persona abordo na dos motorsiclo y cuando ya puede gole el Barangay Capitan con el mga persona insiguidas el victima ya entra y subi para na su residencia, pero ya puede con este alcansa el mga etchor ya handa con el tira por cuantos beses.
Despues el incidente insiguidas ya escapa el mga suapechao.
El Pagadian City Police Station ta continua conduci el ondo investigation base con el cctv footage aver puede identifica con el mga suspechao y para puede con estos aresta.(BNFM Kit-Kat)