Unang adlaw sa pagpatuman it curfew hour, naging matawhay

Naging matawhay ru unang adlaw it implementasyon it curfew hour sa bilog nga banwa’t Kalibo matapos pumaguwa it Executive Order si Kalibo Mayor Juris Sucro.

Suno kay PLT Col Ricky Bontogon, chief of police it Kalibo, uwa it nakita nga mga menor de edad nga naga warang sa des oras it gabie matapos ru ultimatom it alkalde sa mga sangkot sa pag pamana it pilang mga inosenting civilian.

Kun matandaan, una eon nga gin patawag it alkalde ru mga ginikanan it mga menor de edad nga sangkot sa insidente matapos mapana ru sangka 14 anyos nga binatilyo ag sangka tricycle driver nga naga hueat it mga pasahero.

Bangud kara, raya ru naging yabi sa pagbalik it curfew hour sa banwa it Kalibo. 

Base sa E.O. nga permado it alkalde, iga patuman ru curfew hour para sa mga menor de edad humalin it alas 10:00pm hasta alas 4:00 am, Lunes hasta Dominggo.

Samtang, maga himo it dugang nga pwersa ru SWAT TEAM para sa Kalibo. //MARIVIC Y. ILIN

Leave a Reply

Your email address will not be published. Required fields are marked *