DAKO ang kalipay sa unang nakadawat og ayuda nga pang benignit gikan sa Brigada Gensan adlaw nga Lunes Abril 3 sa kasamtangan nga tuig.
Si Nenita Carin, 60-anyos nagpuyo sa purok Soling, Barangay Labangal naagihan sa Brigada News Team nga kusog ang monitor sa 89.5 Brigada News FM GenSan sayo sa buntag.
Tungod niini gihatagan siya og mga sagul sa pagluto og benignit ug biko, duha ka kilo nga bugas pilit, adunay asukal, saging saba, lubi pangtuno, kamote ug may kwarta pa nga pahalipay gumikan sa dili maliso nga pagpaminaw niini sa Brigada.
Gisulti ni Nanay Nenita nga sigurado na ang ang iyang benignit sa Biyernes Santo,naga ampo usab kini nga kanunay sila nga magrasyahan sa Ginoo ug mapasaylo usab sa kasaypanan ning panahon sa Semana Santa. I Ver Diazon