Iniulat ng Department of Health (DOH) na natapos na ang 21-araw na isolation ng unang monkeypox patient sa bansa, at wala narin umanong ibang kaso ng naturang virus ang naitala.
Ayon kay DOH officer-in-charge Maria Rosario Vergeire, maari nang i-discharge ang 31-taong gulang na pasyente, sa oras na mabigyan ng go-signal ng mga doktor.
Binigyang diin ni Vergeire na sa oras na makalabas na ito, ay ligtas na itong makipag-usap o makihalubilo sa kanyang pamilya o sa lahat.
Maliban dito, magaling narin ang mga lesions ng pasyente.
Sa ngayon, patuloy nalang na binabantayan ang mga close contacts nito, at required parin na kompletuhin ang 21 days quarantine period.