Surebol na ang semifinals slot ng Chery Tiggo Crossovers para sa 2022 PVL Reinforce Conference.
Ito ay matapos nilang pataubin sa 5-set game ang United Auctioneers Inc.-Army sa PhilSports Arena.
Dahil dito, nananatili pa ring walang talo Crossovers.
Siniguro ni Mylene Paat ang final four slot sa pamamagitan ng ambag nitong 23 points.
Bago ito, pinadapa rin ng isa pang undefeated team na Creamline Cool Smashers ang Akari Chargers.
Samantala, bukas naman, araw ng Sabado ay maghaharap sa Sta Rosa Laguna ang Cignal HDSpikers kontra Choco Mucho Flying Titans; at Petro Gazz Angels kontra F2 Logistics Cargo Movers.
