LEGAZPI CITY – Nagdonar an United Nations Children’s Fund (UNICEF) ki Temporary Learning Spaces asin Learning Kits para sa mga apektadong eskwelahan huli sa pag-aalburo to kan Bulkan Mayon.
Ipinaabot kan organisasyon an nasa 1,000 na mga learning kits nganing igwa nin marhay na access sa educational resources sa ibong kan sitwasyon ngunyan sa probinsya an mga estudyante.
Isinagibo an pag-turn over sa Malilipot Central School sa Malilipot, Albay.
Nagtao man an UNICEF nin mga self-learning modules para masuportahan an distance learning efforts kan mga estudyante.
Nagkakantidad PHP150,000 an mga pigturn-over na kagamitan kan UNICEF.
Mawot kan organisasyon na ma-facilitate an mga self-paced learning kan mga apektadong estudyante nganing padagos an pagaadal kan mga ini maski wara ini nin face-to-face classes sa ngunyan.
Nagsasagibo man nin lakdang an iba pang mga ahensya sa probinsya para dai mapabayaan an pag-adal kan mga estudyante.
Naglatag naman an UNICEF nin 16 na mga TLS para makapagtao nin marhay na kapalibutan an mga estudyante mantang nag-aadal an mga ini.