United Kingdom sasanayin ang Ukrainian forces

Kinumpirma ni UK Prime Minister Boris Johnson na sasanayin nila ang Ukrainian forces.

Ang pagtiyak ay ginawa ni Johnson sa surprised visit niya sa Ukraine capital city na Kyiv at pulong nila ni Ukraine President Volodymyr Zelensky.

Ang pagbisita ni Johnson sa Ukraine ay kapalit naman ng pag-atras nito sa conference sana kasama ang northern Tory MPs.

Kaugnay nito, sinabi ni Defense Secretary Ben Wallace na mahalaga ang biyahe ni Johnson sa Ukraine kung saan hindi nito inalintana ang pagkansela sa kanyang speaking engagement sa conference

Pero sa kabilang banda, sinabi ni Northern Powerhouse Partnership business group director Henri Murison na malaki ang nawalang oportunidad kay Johnson dahil kahit maganda ang misyon ng kanyang biyahe sa Ukraine, maari naman sana niya itong ginawa sa ibang panahon.

Ito na ang ikalawang pagbisita ni Johnson sa Ukraine simula nang lusubin ito ng Russia noong Pebrero 24.

Leave a Reply

Your email address will not be published. Required fields are marked *