MAY magamit na nga wheelchair ang usa ka Ariel Abarquez, 43-anyos aron kini makagawas sa ilang balay
Ang nahisgutan ang upat ka tuig na nga tubo ang ginakumbayotan arun makabangon ug makabalhin sa iyang gubaon nga wheelchair kada maligo ug mag gawas sa kwarto.
Sukad kini nadisgrasya niadtong 2017, nagkadiperensya iyang spinal cord ug nag gamay iyang mga tiil tungod sa sakit nga polio.
Tungod sa iyang sitwasyon, pirme ra galubog sa kwarto si Ariel, wala na nakatrabaho ug dili na sad makalihok lihok sa panimalay.
Maong dako iyang pasalamat ug sa iyang pamilya nga natubag sa kaBrigadahan Gensan nga programa ilang gina-ampo nga bag-ong wheelchair.
Matud pa ni Tatay Felimon ang amahan ni Ariel nga dili sila makapalit og bag-ong wheelchair hinungdan nagpasalamat nga gidungog ang hangyo nga mahatagan ang anak.
Mismo si Brigada Elmer Catulpos ang mihatod sa wheelchair sa panimalay ni Ariel sa DARBCI sa Brgy.Apopong ug kini ang gipasalamatan.
Ang wheelchair gikan sa pagtinabangay sa mga miyembro sa KaBrigadahan GenSan ug KaBrigada foundation.