Mahugot nga ginbalibaran ni alyas Bert, 44-anyos nga ginbuno nana ro anang asawa ag bayaw.
Base sa panaysayon ni Bert nag-adto imaw sa baeay it anang ugangnan kung siin naga-istar ro anang asawa nga si alyas Lily, 38-anyos.
Paadto kuntya iamw sa sambilog ka burol kat nagdesisyon imaw nga adtunan eun eamang ro anang asawa para mag-isturya pero kat paeapit eun raya sa baeay kat bigla eun eang imaw nga gintambangan it anang bayaw rason nga may natabo nga encounter kung siin uwa ginaasahan nga maninahan ro anang asawa.
Dugang pa nana, nagadaea eamang imaw it kutsilyo bilang pangdepensa sa kung anuman nga uwea ginaasahan nga mga bagay pero gin-amin man nana nga nakainom raya kat matabo ro insidente.
Nasayuran nga nagatrabaho bilang OFW si Lily ag sambilog man ka karpintero si Bert kung siin may daywa sanda ka unga.
Matandaan nga ginpahayag ni Lily nga gusto eun nana nga makipagbueag kay Bert bangud sugarol paeahilong ro anang asawa./JIL B. LACSON