Nagrambol ru pilang mga residente dahil eamang sa alagang manok sa Purok 2 Brgy. Navitas, Numancia, Aklan kabie.
Sa initial nga imbistigasyon it BRIGADA News FM Kalibo, gin subeang ni Ralfhy Sevigan, tag-ana it manok ru daywang persona nga nasubeang sa karsadahon nga naga baktas nga sanday Mark Joseph Ili ag John Anthony Ureta nga naga bakae konta it aeak sa unahan.
Gin kompronta ni Sevigan si John Anthony Ureta ag gin tumod nga nagbuoe it alagang manok ag hugot man nga gin pamalibaran ni Ureta.
Nag-angkon it mainitang diskusyon ru 2 ag dayon nagbuoe it sanduko sa gina dayunan nga baeay si Sevigan ag bumuoe pa gid it bato ag hinaboy kay Anthony Ureta apang tinamaan ru nagfacify nga Barangay Tanod nga si Jerry Ureta.
Samtang, naka angkon man it mild injury sa abaga si Ramil Torda matapos magpacify at natamaaan it sanduko sa pagwagayway ni Sevigan.
Ikara bumaeos man si Anthony Ureta sa paghaboy it bato kay Ralfhy Sevigan rason nga tinamaan sa kilay.
Parehong gin daea sa hospital ru mga biktima I tmga nag respondiong MDRRMO-Numancia ag Numancia MPS samtang temporaryong kulong sa Numancia MPS sanday Ralfhy Sevigan, Anthony Ureta ag Ramil Torda.
Padayon pa nga gina bueong sa hospital si Jerry Ureta ag naga padayon pa ru follow-up nga imbistigasyon it Numancia MPS sa natabong rambol.//MARIVIC Y. ILIN