Ginkasuhan eon it pag eabag sa RA 10591 o Comprehensive Firearms and Ammunition Regulation Act ro eaeaki nga nadakpan it baril ku nagtaliwan nga Sabado it kaaganhun sa Brgy. Sugnod, Malinao, Aklan.
Gin-inquest eon kaina sa Aklan Provincial Prosecutors Office ro suspek nga si Rino Millo 41yo ag residente sa lugar para sa nasambit nga kaso.
Matandaan nga samtang nagapungko ro nasambit nga suspek sa sueod it baylehan sa nasambit nga lugar hay napan-uhan imaw it pulis nga matsa may baril raya sa anang kilid ag kat inspekyunon hay nabuoe sa anang posisyon ro sangka .357 Smith & Wesson Magnum nga may limang bala. / ANN DESLENE SALAZAR