UPDATE: Insidente sa pangdakma it dughan sa Jaro, Iloilo, pilang beses eun nga natabo

Base sa kumpirmasyon ni punong barangay Edgar AraƱador, pila eun ka beses natabo ro insidente nga may eaeaki nga naka-motorsiklo nga nagapangdakma segun it dughan it mga babaye sa Brgy. Balabago, Jaro Iloilo.

Dugang pa nana, pilang adlaw pa eang ro nagtaliwan pagkatapos it pinakaulihi nga insidente, may panibang-ong nabiktima eun man ro eaeaki.

Base sa report, nagabakae eamang sa tiangge ro bag-o nga biktima it eaeaki nga nakamotorsiklo kat gindakma ro anang dughan. Pero uwa nagreklamo ro nasambitan nga biktima rason nga uwa raya it record sa barangay.

May person of interest man ro mga otoridad pero uwa pa it ebidensiya agud mapamatud-an raya. Mas ginhugtan man it barangay ro pagmonitor sa lugar sa posibilidad nga matabo uman ro insidente sa andang lugar./JIL B. LACSON

Leave a Reply

Your email address will not be published. Required fields are marked *