Gin halin sa pribadong hospital ru pila ka mga biktima sa karambola it Fortuner, tricycle ag daywang motorsiklo sa Brgy. Tambak, New Washington, Aklan.
Sa initial nga imbistigasyon, halin sa New Washington ru magmaeanghod nga sanday Joland Tecson 28-anyos ag Joenard Tecson, 23-anyos , tanan mga residente it Brgy. New Buswang, Kalibo, Aklan.
Sakay ru mga raya sa Raider nga motorsiklo pauli it Kalibo ag nag angkon it karambola sa nakasubeang nga tricycle nga minamaneho ni Eladio Maravilla, 47-anyos it Pob. New Washington angkas ru anang mag-ina.
Nadaeasa man ru Honda Click nga motorsiklo nga gina maneho ni John Villanueva sa legal nga edad, residente it Numancia ag sangka Fortuner.
Eagi man nga gin respondehan it New Washington MPS, New Washington MDRRMO, BFP New Washington sa lugar para daehon sa hospital.
Apang gin deklara it doktor nga dead on arrival ru magueang nga si Joland Tecson ag may pilang minute ru tumaliwan hay namatay man ru manghod nga si Joenard Tecson.
Sa makaron, naga padayon pa ru maid-id nga imbistigasyon it New Washington MPS sa natabong aksidente.//MARIVIC Y. ILIN