Update: Nagkadaghan pa ang nireklamo nga mga biktima sa investment scam sa buhatan sa kapulisan sa lungsod sa valencia ug sa dumaguete city

Midaghan pa,ang mga myembro sa AGF Trading nga nireklamo sa mga buhatan sa kapulisan sa lungsod sa Valencia ug Dakbayan sa Dumaguete nga giingong nabiktima sa investment scam nga gipadagan sa usa ka pastor.


Matud pa ni PMaj. Roger B. Quijano, hepe sa Valencia Police Station, miabot na sa 101 ka indibiduwal ang nireklamo sa ilang buhatan sugod niadtong niaging adlawng Martes.

Gibanabana nga moabot sa kapin P70 milyones ang tanan nilang kwarta nga na invest sa AGF Trading,walay labot pa niini ang mga myembro sa ubang dapit sa probinsya.


Dugang pa ni Quijano, anaa sa 10,000 ang myembro sa AGF Trading sa tibuok Negros Oriental.


Kagahapong adlawa, nagdasok usab ang mga myembro diha sa buhatan sa kapulisan sa Dumaguete aron sa pagpa blotter sa tinguha nga mabawi nila ang kwarta nga ilang gi-invest.///Ariel Morro Amistoso

Leave a Reply

Your email address will not be published. Required fields are marked *