(UPDATE) Pagpasara sa babuyan sa may Kalibo, nagapadayun

Nagapadayun ro pagpasara it Joint Inspection Team it LGU Kalibo sa mga babuyan nga ginpapanaugan it closure order kahapon it LGU Kalibo.

Matandaan nga kahapon hay gin umpisahan eon nga ipatuman ro Executive Order ni Kalibo Mayor Juris Sucro nga nagamandu nga ipasara eon ro waeong ginareklamong babuyan it mga residente.

Sa presente hay sa Pook, Kalibo ro Joint Inspection Team ag naisakay eon ro mga baboy sa truck nga gintaeana it LGU agud i-relocate ro mga baboy sa banwa it Ibajay.

Raya hay sambilog sa mga tikang it LGU Kalibo nga maisaayos ro mabuhay eon nga problema ag masiguro ro safety ag ikaayong eawas it tanan eabi eon ag parehung sa residential area ro mga ginareklamong babuyan. / ANN DESLENE SALAZAR

Leave a Reply

Your email address will not be published. Required fields are marked *