NAKA KUSTODIYA karon sa Makar Police Station ang usa ka babaye ug lalaki nga gipadakop sa usa ka bana human nga iyang gisundan ang iyang asawa gikan sa Beach Party Agusto 12 sa gabei.
Alegasyon sa bana nga si alyas Ruel 41-anyos nga ang iyang asawa nga si alyas Juliet 38- anyos nisulod sa usa ka balay may kaubang lalaki unya namalong ug suga, gumikan niini nagpatabang siya sa kapulisan ug dinhi gidakop ang babaye ug ang lalaki nga si alyas Barber.
Gidugang sa bana nga natingala siya nganong nag pills ang iyang asawa nga wala man siya dinhi sa General Santos City kay nanarbaho sa laing lungsod, unya sexy na daw kaayo nga mogawas sa iyang balay unya aduna nay mga tattoo sa lawas mao nga iyang gisundan sundan sa tulo ka semana.
Sumala kay PCapt Joseph Letigio ang Deputy Chief sa Makar PNP nga ilaha na nga giandam ang kasong adultery batok sa duha ka dinakpan, subay sa sumbong sa usa ka bana. I Ver Diazon