GIDAKOP sa kapulisan ang usa ka batan-ong lalaki nga may kasong unom ka ihap sa Acts of Lasciviousness
Subay sa report sa Alabel PNP,ang gidakop mao si Dennis Jesura, 25- anyos ulitawo nga taga Purok 6, Ladol, Alabel, Sarangani Province.
Subay sa kamandoan sa korte nga pinitsahan Septembre 27, 2023, ang akusado may kaso nga Acts of Lascviousness unya nagkinahanglan siya og P180,000 pang pyansa aron maka angkon og temporaryo nga kagawasan.
Ang nakalagda sa kamandoan mao si Hon. Judge Jerome Beatisola sa MTC Branch 11, General Santos City.
Human gidakop ang akusado gidala kini sa kustodiya sa taga CIDG 12 alang sa husto nga disposisyon. I Ver Diazon