SAMARON sa dihang napalgan sa iyang pamilya ug mga silingan ang usa ka lolo nga nagpuyo sa usa ka Purok sa Barangay Alegria, Alabel, Sarangani Province Hunyo 6, 2023.
Subay sa report sa Alabel PNP ang napalgang samaron mao si Rolito Maladian, 69-anyos may 12 ka mga anak ug nagpuyo sa Purok Lanao Balot, Alegria.
Sumala sa iyang asawas nga si Naneng Malasubo, 59- anyos nga wala siya nakabantay sa hitabo basta nakita nalang sa luyo sa ilang payag ang iyang bana nga may samad sa ligo unya sa tiyan.
Sumala usab sa anak nga si Marebel Maladian, 23-anyos,naapsan pa niini ang ulahing ginhawa sa iyang amahan ug gibati niini ang tuman nga kalouy, gidala pa nila sa Sarangani Provincial Hospital apan didto na gideklara nga patay na.
Ginasulti usab sa apo nga naga edad lima ka tuig nga nakita niya ang gihimo sa iyang lolo nga pagsamad sa kaugalingon,tungod niini nigawas sa report sa Alabel PNP nga posibling hikog ang nahitabo kay walay makasulti kon may laing tawo nga naghimo sa kremin. I Ver Diazon