NASAMDAN ug nagkadugo ang liog sa usa ka negosyante human nga gihakop sa kawatan ang iyang kulintas nga gisul-ob samtang nagabantay sa iyang tindahan sa Purok 8, Poblacion Alabel, Sarangani Province Mayo 23 sa buntag.
Sumala sa biktima nga si Irma Cañas, 64-anyos nga nagpalit og gatas ug sigarilyo ang suspek unya nibalik ug nagpalit og candy, nagsigi ug pangutana kalabot sa kulintas sa biktima unya kalit gilabni.
Nakasinggit si Irma unya nangayo og tabang mao nga niduol ang mga silingan samtang paspas nga nakasibat ang nanglabni sakay sa usa ka motorsiklo.
Sa imbestigasyon sa Alabel PNP sa pagpanguna ni PLtCol Marvin Carisma, ilang nakita ang pendant sa kulintas sa atbang sa tindahan ug wala nadala sa kawatan,nakapahimo na usab sila og Computerized Facial Composite sa kawatan.
Ang panawagan sa biktima ngadto sa kawatan nga unta mo trabaho og sakto ug patas kay siya nga edaran na naningkamot man aron nga may kaunon sa matag adlaw. I Ver Diazon