Hantud karon wala pa masuta ang hinungdan o motibo sa pagpusil -patay sa usa ka non commissioned officer sa wala mailhing suspek kagahapon sa hapon sa may Rosario St Brgy 38 syudad sa Bacolod Negros Occidental.
Giila ang maong polis nga si Police Staff Sergeant Joseph Nepomuceno ,37 anyos ug katapo sa Bacolod City Police Office – City Drugs Enforcement Unit.
Sa imbestigasyon sa kapolisan , naka-angkon ug upat ka igo sa bala si Nepomuceno sa nagkalain laing parte sa iyang kalawasan.
Dali pa siyang nadala sa balayng tambalanan apan gideklara siyang patay sa doctor.
Sa karon wala pa may dugang impormasyon sanglit padayon nga gipalawman ang pag imbestiga sa insidente.