GIDAKOP sa San Isidro PNP ang usa ka wanted gumikan sa kaso nga Grave Coercion ilawom sa Revised Penal Code ug sa Republic Act 10951.
November 26 pasado alas otso sa gabei gipangunahan ni PLt. Danny Balofiños ug kaubanan, ilang gisilbe ang kamandoan sa korte nga dakpon si Christian Paclibar, ulitawo, 25-anyos nga painter ug temporaryo nga nagpuyo sa dalang Santol.
Ang nagmando nga dakpon ang nahisgutan mao si Hon Judge Emilio Quianzon Jr. sa MTCC Branch 2, General Santos City.
Nagkinahanglan usab ang akusado og pyansa nga mokabat sa P36,000 aron maka-angkon sa iyang temporaryo nga kagawasan.
Gipahibalo usab kini sa iyang tawhanong mga katungod unya gipa examine sa tambalanan ayha gibutang sa selda. I Ver Diazon