Arestado han mga operatiba han PNP ngan PDEA 8 an usa nga indibidwal nga kalakip ha Regional Priority Target ha Brgy Doña Luisa, Laoang, Northern Samar.
Ginkilala an suspek nga hi alyas “George”, 56-anyos, residente han Brgy. Guilaoangi, Laoang, Northern Samar ngan nakalista kumo PDEA HVI/ Regional Priority Target.
Ginpangunahan an mao nga operasyon ni Police Major Ricardo L Banjawan, Acting Chief of Police han Laoang Municipal Police Station kaupod an Laoang MPS – Station Drug Enforcement Unit, Northern Samar Provincial Drug Enforcement Unit, ngan Northern Samar Provincial Intelligence Unit ngan PDEA 8- Northern Samar Provincial Office.
Nakumpiskar tikang ha suspek an 15 kabug-os nga plastic sachet nga mayda sulod han gintutuohan nga shabu nga mayda kabug-aton nga 5 gramo ngan street value nga Php34,000.
Naatubang na an suspek ha pagtalapas ha Section 5 ngan 11 han RA 9165 o Comprehensive Dangerous Drugs Act of 2022.