Usa sa upat nga dinakpan sa San Isidro PNP sa anti illegal gambling operation nakapyansa sa korte

GAWASNON na gikan sa kustodiya sa San Isidro PNP ang usa sa ilang gidakop sa kampanya batok sa ginadili nga sugal.

Subay sa talaan sa present 4 si Steven Gonzales Ortiz gipagawas na sa kustodiya sa pulis human nga naka pyansa sa korte sa kantidad nga P30,000.

Kahibaloan nga ang kaso ni Ortiz may kalabotan sa PD 1602 human nga usa siya sa gidakop sa kapulisan kaniadtong Abril 12, 2023 sa Purok Kaunlaran, Barangay San Isidro, General Santos City.

Kuyog ni Ortiz ang lain pang tulo ka mga tawo nga gitudlo nga nagsugal gamit ang baraha.

Pinaagi sa inqest usab ang pagpasaka kanila og kaso kaniadtong Abril 13, 2023. I Ver Diazon