Epektibo karong Oktubre 3 ning tuiga ang pagpatuman sa pagpataas sa pletihan sa mga Public Utility Vehicle sa Northern Mindanao.
Gibutyag ni Land Transportation Franchising and Regulatory Board Northern Mindanao Regional Director Aminoden Guro nga dunay piso nga dugang sa pletihan alang sa mga traditional ug modern jeepneys, ug dugang 5-pesos nga flag down rate ang i-implementar sa mga taxi.
Kini nagpasabot nga sa syudad sa Cagayan de Oro, 12-pesos na ang pletihan sa traditional public utility jeepney samtang 14-pesos alang sa modern jeepneys ug anaa sa 25 ngadto sa 30-pesos ang pletihan sa modernized PUVs nga gipadagan sa mga transport cooperatives, depende sa distansiya.
Nasayran nga anaa sa 40 pesos ang kasamtangang flag down rate karon sa taxi ug adunay dugang nga P13.50 matag kilometro ug 2 pesos matag minuto nga pagbiyahe.
Dugtong niini, aduna sab pag-increase sa pletihan nga 2 pesos matag kilometro sa mga public buses.
Nunot niini, gi-awhag ni Director Guro ang mga transport operator nga mubisita sa buhatan sa LTFRB-10 aron makuha ang orihinal nga kopya sa bag-o o adjusted nga fare matrix. END