Usbaw sa presyo giaprubahan

Giaprubahan na sa Department of Trade and Industry – Davao Region (DTI 11) ang hangyo sa manufacturers ug distributors alang sa pagpausbaw sa presyo sa mga palaliton sa Davao Region.

Sigon ni DTI 11 Regional Director Maria Belenda Ambi nga mu-usbaw sa 3 hangtod 8 percent ang itaas sa presyo.

Giklaro sab sa opisyal nga magpabilin gihapon ang presyo sa ubang palaliton apan aduna matud pay ikonsidera aron matabangan ang mga negosyante alang sailang produksyon ug masiguro ang padayon nga supply sa palaliton sa merkado.

Hinuon, gipaniguro sa buhatan nga mas pahugtan pa nila ang ilang ipahigayong inspeksyon sa tanang mga tindahan human sa pagpagula og suggested retail prices (SRPs) sa mga nag-unang palaliton sa rehiyon.

Dugang sa opsiyal nga sagad sumala pa sa mga raw material nga gigamit sa mga produkto ang mga imported kung asa mas mahal ang presyo niini sa international market.

Subay sa gipagulang monitoring activities sa DTI 11, mukabat na sa 268 price monitoring activities sa DTI-11 kung asa anaa sab sa 328 ka mga business establishments gikan Enero hangtod Setyembre karong tuiga ang nalakip niini dinhi sa Rehiyon 11. BNFM-Davao

Leave a Reply

Your email address will not be published. Required fields are marked *