GILAOMAN nga sugdan ang operasyon sa University of Santo Tomas (UST) sa Barangay Ligaya, General Santos City sa 2023. Kini ang gibutyag ni Rev Fr. Richard Ang, Rector Magnificus sa UST atol sa ‘topping off’ ceremony Sabado sa buntag.
Ang seremonya usa ka traditional rite, asa ibutang ang last ‘beam’ timailhan sa pagkahuman sa konstruksyon sa building. Matud ni Ang, human niini sugdan ang architectural design nga molungtad og usa katuig ug tunga.
Hinungdan nga gilaoman nilang magsugod ang operasyon sa unibersidad sa tuig 2023. 2018 dihang gisugdan ang konstruksyon sa building sulod 80 ka ektaryang university campus. Ang luna sa campus ang unang na-classify isip gricultural land ug na-covert sa institutional samtang nadawat ang aprobal sa convertion gikan sa Department of Agrarian Reform atong 2003.
Gihingusgan ni Ang nga napili nila ang lugar tungod kini ang strategic nga lugar aron butangan sa campus. Ang desinyo sa main building ang dunay ‘semblance’ sa main campus sa UST sa Espanya sa Manila.
Pipila sa courses nga itanyag sa unibersidad mao ang Business and Accountancy, pharmaceutical sama sa nursing, Information Technology. Sa pakig-alayon sa pipila ka sektor, itanyag usab ang College of Science partikular sa microbiology ug chemistry aron makatabang sa tuna industry sa dakbayan. Ang UST-G enSan ang ikaduhang campus gawas sa Metrol Manila ang usa pa niini ang naa sa Santa Rosa sa Laguna. ( Richel Gubalani)