Uswag Ilonggo Scholars sa probinsiya sang Capiz, Nakabaton Sang Educational Assistance

Malipayon ang 600 ka mga iskolar sang USWAG Ilonggo sa Roxas City kag Capiz matapos nakabaton sang tig-10,000 pesos nga bulig para sa ila edukasyon.

Ini ang programa sang Uswag Ilonggo Partylist nga nagatuyo nga mabuligan ang mga kubos nga kabataan nga luyag makatapos sang pagtuon.

Nagapasalamat gid si Roxas City Mayor Ronnie Dadivas sa kay USWAG Ilonggo Partylist Representative Cong. Jojo Ang sa pag-ulingag sa mga kabataan sa syudad sang Roxas kag kabanwahanan nga nagahandum nga makatapos sa pagtuon kag makaangkon sang masanag nga buas-damlag.

Ang USWAG Ilonggo nagabulig sa aton indi lang sa edukasyon kundi pati na sa paghatag sang medical/financial assistance sa mga kauturan naton nga ara sa krisis, may sakit, naospital ukon nadulaan sang mahal sa kabuhi. | Judy Ann Juare