Uyoan sa missing nga 14-anyos nga batan-ong babaye, padayung nawawagan sa nahisgutan

HALOS mag usa ka bulan na nga wala pa nakit-an ang mga nawala nga mga kabatan-unan sa GenSan.

Subling nanawagan si Michael Gahiton, uyoan ni Angel Gahiton, 14-anyos nga taga Brgy.Katangawan human wala pa kini makabalik sukad nawala niadtong Abril 20.

Hangyo niini sa mga nakakita ug nakahibalo sa giadtoan sa iyang pag-umangkon nga muuli na kay nagkasakit na ang apohan niini nga maoy gaatiman sa nahisgutan.

Ang inahan niini atoa sa abroad ug nagpuyo kini sa iyang apohan asa ulahing gipananghid nga mukuha og modules apan wala na makabalik.

Dungan sa pagkawala ni Angel ang mga higala usab niini nga tulo ka lalaking batan-on ang lakip gipangita sa ilang pamilya, mao nga hangyo ni Michael sa kapulisan padayun lang sa pagpangita ang mga nahisgutan.

Bisan si Kapitana Maureen Rodriguez ang apil nanawagan sa mga nakahibalo sa giadtuan ni Angel Gahiton nga pahibaluon ang pamilya niini, dungan sa paniguro nga giimbestigahan usab sa kapulisan ang insidente sa pagkawala sa mga batan-on.