IPADAYON ang panawagan samtang wala pa nakita ang ilang kabanay mao kini ang hangyo sa pamilya nga nagapangita sa ilang mahal sa kinabuhi nga wala na nakauli sa ilang panimalay.
Sa paghinabi sa 89.5 Brigada News FM GenSan kay Riza Peconcillo nga taga Purok 13, Brgy. Mabuhay nagahangyo kini nga ipadayon ang pag panawagan sa iyang anak nga si Patrick Peconcillo, 16- anyos nga wala nakauli sa ilang balay kuyog ang usa ka mekaniko.
Gidugang ni Risa nga dili usab makontak ang cellphone sa iyang anak sukad kaniadtong Abril 20 sa hapon,nagpaayo lang og motorsiklo sa iyang igsuon sa shop unya wala nikuyog pauli kay motabang sa shop,nilakaw kuyog sa mekaniko ug wala na makauli.
Wala pa usab nakauli sa ilang balay ang usa ka ba batan-ong babaye nga si Angel Gahiton, 14- anyos nga taga Purok 14, Barangay Katangawan.
Sumala sa uyoan nga si Michael Gahiton wala gihapon ang iyang pag umangkon nga si Angel,wala gayod ma kontak ang cellphone niini mao nga gusto niya nga ipadayon lang sa Brigada ang panagwagan.
Gi-adtuan na usab sa Tinagacan PNP personnel ang panimalay sa lola ni Angel ug gisusi ang pagkawala sa dalagita sugod Abril 20 sa buntag.
Kahibaluan nga sa paghinabi sa 89.5 Brigada News FM Gensan kay Felomina Gahiton apohan ni Angel sumala niini,wala kauli ang iyang apo nga si Angel Gahiton, 14- anyos,estudyante taga Purok 14-C, Katangawan GenSan.
Gisaysay sa lola nga nilakaw si Angel kaniadtong adlaw nga Martes, Abril 20 kuyog sa iyang mga higala sakay sa tricycle nga greenplate,ang driver nagpangalang Ralph nagpuyo gihapon sa Katangawan nga wala usab nakauli sa ilang panimalay.
Nabalaka pag-ayo ang lola gumikan gipabantay niya si Angel sa iyang duha ka manghod nga naga edad nuebe ug diyes anyos kay adunay mahinungdanon nga gilakaw ang lola.
Gidugang ni Felomina nga naapil kanhi sa talaan sa CILC kon children in conflict with the law ang iyang apo apan ilaha na nga napa-eskwela apan aduna daw nangita sa dalaga nga naka motorsiklo sa miaging adlaw nga maoy gidudahan sa lola nga maoy nihagad sa iyang apo aron molakaw nga wala managhid.
Aduna daw cellphone nga dala ang dalaga apan dili na makontak niining panahuna, mao nga nagapanawagan sila agi sa Brigada ug sa social media aron makauli ang iyang Apo. ( Ever Diazon)