Kasong pagpatay ang atubangon sa usa ka 19-anyos kinsa mipusil patay saiyang kaugalingong uyoan sa Sitio Datalpitak, Brgy Colonsabac, Matanao, Davao del Sur.
Ang suspek giila nga si Melchor Mula Akdang, pag-umangkon sa biktima nga si Feliciano Mangcal Mula, 50 anyos ug residente sa nahisgutang lugar.
Subay sa imbestigasyon sa Matanao Police Station, miadto matud pa ang biktima sa panimalay sa suspek nga nagdala og sundang.
Naglalis matud pa ang duha og tungod sa kapungot sa suspek mikuha kini og 12 gauge shotgun og gipusil ang uyoan nga maoy hinungdan saiyang hinanaling kamatayon.
Gilayon nga miresponde ang personahe sa Matanao Municipal Police Station kauban ang RPSB team Colonsabac ug pinaagi sa tabang sa 39IB PA, boluntaryo nga mitahan ang suspect.
Sa karon, anaa na sa kustodiya sa kapulisan si Akdang ug nag-atubang na sa kasong gipasaka batok kaniya. BNFM-Davao
