Vanessa Bryant tumanggap ng $28.85M na kabayaran sa crash-photo lawsuit

Tinanggap ni Vanessa Bryant ang kabayarang $28.85 milyon mula sa L.A. County sa kanyang demanda na inaakusahan ang ilang empleyado nito ng pagkuha at pagbahagi ng malagim na mga larawan ng kanyang asawa na si Kobe at anak na babae matapos silang mamatay sa isang helicopter crash noong January 2020.

Sumang-ayon ang Los Angeles County na bayaran si Bryant at tatlo sa kanyang mga anak na babae ng halos $30 milyon.

Kasama sa areglo ang $15 milyon na iginawad ng isang hurado kay Vanessa Bryant noong Agosto.

Matatandaang noong January 26, 2020, si Kobe Bryant at ang kanyang anak na si Gianna Bryant na 13 taong gulang, ay nasa isang helicopter kasama ang pitong iba pang tao nang bumagsak ito sa isang burol malapit sa Calabasas, California, na ikinamatay ng lahat ng siyam na sakay nito.//CA

Leave a Reply

Your email address will not be published. Required fields are marked *