Pagaumpisahan eon sa madali nga panahon ro konstruksyon it Kalibo Public Market.
Raya hay matapos ma-delay bangud sa pandemya ag pilang problema sa relocation.
Ro Kalibo Public Market hay may inisyal nga balor nga naga abot sa P300 million, nga igapatukod sa sueod it 450 calendar days ag maipatindog bago matapos ro dag on 2024.
Ro Rotaflex Construction and Development Company, sangka Manila-based contractor, ro nagdaug sa bidding nga may notice to proceed.
Base sa plano it igapatukod nga bag ong Kalibo Public Market, raya hay may supisyente nga parking space, maeapad nga fish, vegetable ag meat sections, restrooms ag drainage system.
Suno kay Kalibo Mayor Juris Sucro nga ro konstruksyon it public market hay magapabaskug sa lokal nga ekonomiya ag negosyo.
Samtang, iga-relocate ro mga vendor bago umpisahan it contractor ro konstruksyon. // ANN DESLENE SALAZAR