Vendors sa central public market nalipay usab nga niubos na ngadto sa P350 ang kilo sa sibuyas bombay

NIUBOS na ngadto sa P350 ang matag kilo sa sibuyas bombay sa merkado publiko sa General Santos City tunga sa bulan human sa pagsugat sa 2023.

Sa kumpermasyon gikan sa unang vendor nga nahinabi sa Brigada News FM Gensan nga si Faida  Palagawad gisulti niini nga naa na sa P350 hangtud sa P380 sa matag kilo ang ilang retail price sa upat na ka aldaw gumikan nibarato usab ang presyo sa ilang pag kumpra.

Gidugang ni Palagawad nga gikan sa Luzon ang duha ka klase sa sibuyas bombay ang ilang ginabaligya ug dili imported, dili usab daw sila ganahan niadtong niabot na sa P600 matag kilo gumikan tag-usa lang kabuok ang paliton sa mga tawo unya naga resiko matag adlaw.

Sa dalang Caquejo sakop sa Barangay South, gisulti ni Arbaya Dimalin nga duha ka klase gihapon sa bombay Luzon ang ilang ginatinda,may gikan sa Batanes ug sa Baguio unya ang ilang presyo P450 matag kilo.

Gidugang ni Dimalin nga ang ilang capital sa pagkumpra sa usa ka bag nga nagatimbang og 10 ka kilo anaa sa P3,500 unya kon mahinloan ang nito naa nalang sa walo ug tunga ka kilo.

Sumala usab sa mamalitay nga nagpailang George gikan sa Barangay Baluan mahal gihapon ang presyo mas maayo daw kon moubos pa aron daghan ang iyang mapalit nga lamas. I Ver Diazon

Leave a Reply

Your email address will not be published. Required fields are marked *