Vice Mayor sa Tagbina SDS nga na missing, luwas nga nakit-an sa lungsood sa Bunawan

Luwas nga nakit-an ang usa ka opisyal nga giila na si Vice Mayor Antonio Adlao sa Tagbina, Surigao del Sur kinsa gikataho nga missing ug nakaplagan sa lungsod sa Bunawan, Agusan del Sur kagahapong adlawa Marso 28, 2022 ala 1:50 sa kadlawon.

Base sa kapulisan sa Bunawan, duna matud pay nadawat nga impormasyon pinaagi sa tawag gikan sa usa ka concerned citizen diin mipabilo kini nga adunay usa ka lalaki nga nangayo og tabang kanila sa Purok 8, Kalingayan, Brgy. Consuelo, Bunawan, Agusan del Sur ug nagpaila sa iyang kaugalingon nga missing sugod alas 8:30 sa gabii niadtong Marso 25, 2022 didto sa Brgy. Malixi, Tagbina, Surigao del Sur.

Tungod sa nadawat nga impormasyon sa Bunawan MPS, way langan nga girespondihan sa mga personahe sa maong buhatan pinaagi sa pagpanguna ni Police Captain Julius Ancheta Vallejo, Officer In-charge.

Kahinumduman nga ning milabayng mga adlaw natingala matud pa ang pag-umangkon sa nasangpit nga vice mayor nga si Eric Numeron kay wala na niya nakita ang iyang uyuan sa mismong farmhouse niini ug napalgan na lamang usab ang single motor sa bise mayor nga gi-abandona lakip na ang handheld radio niini.

Gikaingon usab nga nakadawat ug bahad ang bise mayor sa CPP NPA ug gipangayuan ug bayad alang sa permit to campaign. Sa pagkakaron padayon pang gisusi sa Surigao del Sur Provincial Police Office sa pagpanguna ni Colonel Joseph Boquerin, Provincial Director aron masuta ang hinungdan sa pagkawala sa maong bise mayor.
-END-

Leave a Reply

Your email address will not be published. Required fields are marked *