Gipahibawo ni Bise Presidente Sara Duterte nga motambong siya sa ceremonial opening program sa Palarong Pambansa 2024 nga ipahigayon sa Cebu City Sports Center karong umaabot nga Hulyo 9.
Si Duterte, nga bag-o lang mi-resign sa iyang katungdanan isip Education Secretary, mikompirmar sa iyang pagtambong sa tinuig nga kalihukan.
Nasayran nga ang dakbayan sa Sugbo maoy mo-host sa Palarong Pambansa 2024 gikan sa Hulyo 6 hangtod 17.
Gipaabot ang kapin sa 12,000 ka delegado gikan sa 17 ka rehiyon sa nasod ang mosalmot sa maong aktibidad.
Kahinumduman nga katapusang nag-host ang Cebu City sa multi-sport event niadto pang 1994.//