Video sa pagsumbagay sa usa ka traffic marshal ug habalhabal driver sa Cebu, nag-viral

Nag-viral ang video sa panagsumbagay sa usa ka traffic marshal ug SA usa ka habalhabal driver  sa may IT Park sa dakbayan sa Sugbo kagahapon sa alas 3 sa hapon.

Si police patrolman Alfred Talabok sakop sa Mabolo Police Station nga nahinabi sa BRIGADA NEWS FM CEBU, miila sa traffic Marshall nga si Warren Abaliar residente sa barangay Apas sa dakbayan sa Sugbo ug ang habalhabal driver naila nga  si Florito Sipalay nagpuyo sa Victoria, lungsod sa San Remigio.

Nasayran nga nasuko ang  habalhabal driver sa dihang gidakop sa traffic marshall tungod sa pagpadayon og padagan sa motor bisan ug puwa ang traffic light.

Mihagad og sumbagay ang habalhalbal driver nga gidawat usab sa traffic Marshall nga maoy hinungdan nga nagkasumbagay ang duruha sul-ob pa ang mga helmet.

Gi-uwang sa mga motorista ug sa traffic enforcer nga nakasaksi sa maong panag-away.

Ang kapolisan sa mabolo mihimo na ug imbestigasyon niini.

Subay niini, mihanyo ang Cebu City Traffic Office sa mga motorista nga dili  e-personal kung dakpon sanglit  trabaho ra kini sa Enforcer.

Giingong kinahanglang respetuhon ang lagda sa Trapiko ug angTraffic Enforcer aron dili madakpan.

Leave a Reply

Your email address will not be published. Required fields are marked *