Naging emosyunal ang ‘Star for all Seasons’ na si Vilma Santos nang iparating nito ang kanyang nararamdaman sa scam issue na kinasasangkutan ng anak na si Luis Manzano
Sa panayam ng batikang host na si Boy Abunda, sinabi ng aktres na bilang ina ay masakit aniya na masaranasan na may pinagdadaanan ang kanyang anak.
Ayon kay Ate Vi, ang hiling niya lang ngayon sa Diyos ay paggabay sa kanyang mga anak.
Kamakailan lamang nang nabalita ang pagkakadawit ni Luis sa umano’y investment scam ng kompanyang Flex Fuel Corporation kung saan naghain ng reklamo ang ilan sa investors nito dahil kulang ang nakukuha nilang dibidendo mula sa kumpanya.//CA