Opisyal nang nagbitiw si Vice President at Education Secretary Sara Duterte bilang miyembro ng partidong Lakas-CMD.
Sa inilabas na statement ng Pangalawang Pangulo nagpasalamat ito sa suporta na ipinakitang suporta sa kanya ng mga party members ng naturang partido.
Wala na umanong mas mahalaga sa ngayon kundi ang makabuluhang pagsisilbi niya sa mga Pilipino at sa bansang Pilipinas, sa pamumuno ni Pangulong Bongbong Marcos.
“I am grateful to all the party members for the support that also once demonstrated that unity is possible to advance our shared dreams for our fellow Filipinos and our beloved country,” nakasaad sa naturang statement.
Binigyan diin ni VP Sara na nasa posisyon siya ngayon dahil sa tiwala ng taumbayan at hindi umano ito malalason ng ‘political toxicity’ at masalimuot na political powerplay.
“I am here today because of the trust of the Filipino people in me to lead and serve them and the country, and this cannot be poisoned by political toxicity or undermined by execrable political powerplay,” ayon pa sa statement.
Nanawagan naman ang Bise-Presidente sa lahat ng mga lider na pagtuonan ng pansin ang trabaho at mag-iwan ng legasiya ng isang malakas at matatag na lipunan.