Gintuad ni Capiz Governor Fredenil Castro nga madamo sang mga opisyal kag dalagkuan nga mga personalidad ang magatambong sa selebrasyon sang Capiztahan 2023.
Kalakip sa ginkumpirmar ni Castro, amo sanday Vice President Inday Sara Duterte kag anay Presidente Gloria Macapagal-Arroyo nga personal nga magapadulong para saksihan ang Maragtas sang Capisnon Cultural Show – Parade of Floats and Performances sa Abril 15, 2023 sabado nga adlaw.
Magluwas kay VP Sara kag FPGMA ginalauman nga magatambong man pila ka mga senador kag kongresista nga wala na ginhingadlan sang gobernador.
Dugang pa sang opisyal, nga madamo man nga artista, sikat nga mga banda kag mga performers ang mahatag sang kalingawan sa nagkatuhay nga lugar bilang kabahin sang nasambit nga selebrasyon.\\ KMD Gicalde