Pinayuhan ng kampo ni Vice President Leni Robredo ang gobyerno na itigil ang pagkukumpara sa kanilang COVID-19 response mula sa ibang bansa na hindi umano umaaksyon ng mabuti.
Partikular na tinukoy ni Atty. Barry Gutierrez, tagapagsalita ni Robredo, ang pagkukumpara ng bansa sa COVID-19 situation sa India, na ang populasyon ay mahigit isang bilyon.
Sa halip, hinimok ni Gutierrez ang pamahalaan na tingnan ang best practices ng kanilang Asian neighbors.
Mababatid na ang India ay nagtala ng world’s sharpest spike sa coronavirus infections ngayong buwan, kung saan ang political at financial capitals na New Delhi at Mumbai ay nagkukulang na ng mga hospital beds, oxygen, at medicines.
Noong nakaraang linggo naman nang sabihin ni Health Secretary Francisco Duque III na may malaking posibilidad na matulad ang Pilipinas sa nangyayari ngayon sa India, kung hindi susundin ng publiko ang minimum health protocols.