Wala gisipot sa nauyab sa FB, nagsumbong sa Brigada

Gumikan matud pa sa kasakit sa iyang gibati nagsumbong na lamang sa 91.5 Brigada News FM-Davao ang usa ka lalaki aron mapaabot ang iyang mensahe ngadto sa babaeng nauyab niini sa Facebook human kini wala gisipot sa Davao City human sila nagsabot nga mag-eyeball na.

Ang nasangpit mao si Rosandie Paradilla bulag sa asawa kinsa gikan pa sa Glan, Sarangani aron unta makigkita na sa iyang uyab nga giila niini nga si “Leni Bagnol” sanglit plano na nilang mag-ipon human sa kapin usa ka tuig nga relasyon.

Sumala pa ni Rosandie nga dili na niini ma-contact si Leni og gi-block nausab siya sa Facebook rason nga midangop na lamang kini sa Brigada.

Dugang pa ni Rosandie nga nabighani niya sa Leni pinaagi sa iyan gwapo nga tingog kon asa unang tawag sa iya “idol” og nagtuo usab nga wala siya gibinuangan sanglit nagapadala pa kini og salapi nga sa iyang kwentada muabot na sa P9,000.

Gihalaran na lamang ni Rosandie og kanta si Leni pinaagi sa iyang walay hungaw nga tingog. Naglaom na lamang kini nga mupatim-aw na kaniya ang iyang uyab sanglit naglibog gihapon kini ngano wala kini gisipot. BNFM-Davao