Target karon sa City Disaster Risk Reduction and Management Office (CDRRMO), kauban ang Office of the Civil Defense XI, Philippine Institute of Volcanology and Seismology (PHIVOLCS), ug Department of Science and Technology (DOST) XI, ang tulo ka Barangay sa ilang aktibidad nga Walk the Fault dinhi sa syudad.
Kini nga mga Barangay gilangkuban sa Barangay Sto. Niño (Bambu Estate, Camelia Cerritos), Barangay Tugbok (Deca Homes Tugbok), ug Barangay Catalunan Pequeño (Wellspring Village Phase I-III, Granville.
Gisugdan ang maong aktibidad niadtong Lunes, pinaagi kini sa Simultaneous Information and Education Campaign sa Catalunan Pequeño Barangay Gym.
Sumala pa ni CDDRMO Head Alfredo Baloran, nga kinahanglan nga mutambong ang mga barangay officials sa among aktibidad, labi na ang mga purok leaders.
Dugang pa ni Baloran nga sukad pa niadtong tuig 2015, nasayran na ang mga fault lines hinungdan nga pahibal-on ang mga residente aron nga malikayan ang seryosong damyos sa higayon nga mulinog.
Kini pinaagi sa pagbutang og mga markings sa mga fault lines.
Dinhi sa syudad, ang mga faultlines mao ang Tamugan Fault, Lacson Fault, Dacudao Fault, Pangyan-Biao Escuela Fault, ug New Carmen.
Gibutyag ni Mirasol Domigo, DOST Assistant Regional Director, nga ang bentaha sa Walk the Fault ug ang information drive mao nga ang mga teknikal nga termino nga sagad maykalabotan sa linog mapasabot pag-ayo.
Ang maong aktibidad nagsugod niadtong Nobyembre 20 ug matapos kini sa Nobyembre 24, 2023.