Walo ka armadong indibidwal giaresto, mga armas nakumpiska

MAG-ATUBANG og kasong Trespassing, samtang dugang kaso ang gipasaka sa laing tulo ka indibidwal ug kalapasan sa RA 10591.

Kini may kalabutan sa naaresto nga walo matud pa ka armed individual ug nakumpiskahan og mga armas, Marso 8 sa YAM 12 ug Purok 20 sa Barangay Mabuhay, GenSan.

Gi-report ngadto sa San Isidro Police Station nga adunay armadong mga tawo sa maong lugar.

Matud pa, samtang gapadulong ang tropa, ang mga suspek mipabuto sa ilang armas hinungdan sa pagbalos sa mga otoridad hangtud may gipanggukod ug gipang-aresto.

Nakarekober ang kapulisan ang nagkadaiyang armas ug bala apil mga belongings ug IDs.

Ang mga nakumpiskang mga armas ug mga belongings ang gipanag-iyahan sa naaresto nga silang Brando Menabong Minden, Joey Calapan Calaor, ug Noel Belleza Tuyac human mapakyas sa pagpakita og legal documents sa paghupot sa maong mga armas.

Samtang lakip nakuhaan og assorted firearms sa duol nga balay ang usa ka suspek nga si Noel Belleza Tuyac.

Leave a Reply

Your email address will not be published. Required fields are marked *