Wanted Person, arestado it Nabas MPS

Arestado ro sangka wanted person nga si Winefredo Dalupang y Estocado, single, 28 anyos ag residente it Brgy. Solido, Nabas, Aklan.

Naaresto raya sa may Spanish Road, Brgy. New Buswang, Kalibo, Aklan sa ginpatigayun nga manhunt operation it Nabas MPS ag MARPSTA, Caticlan, Malay, Aklan.

Si Dalupang hay may warrant of arrest para sa kaso kara nga Reckless Imprudence Resulting in Homicide nga gin-isyu ni Hon. Presiding Judge Maribel De leon De Guia-Cipriano, MCTC, 6th Judicial Region, Ibajay-Nabas, Aklan.

Ro nasambit nga wanted person hay sa kustodiya eon maakrun it Nabas MPS para sa nagakaigu nga disposisyon. / ANN DESLENE SALAZAR

Leave a Reply

Your email address will not be published.