Makalihis an pitong taon, napasakamot na kan mga otoridad an sarong wanted person sa kasong panghahabon sa Sitio Gotob, Brgy. Lidong kan Polangui, Albay alas onse nin aga kasuodma.
An suspetsado binistong si alyas “Kevin”, 30 anyos, chef, may agom, asin residente kan nasambit na lugar.
Susog sa report kan pulisya, naarestar ini kan Polangui MPS kaibahan an Albay Maritime Police Station sa kusog kan mandahamiento de aresto na pirmado pa kan Agosto 16, 2015 huli sa kaso nin panghahabon o “theft”.
Uminabot man sa PHP10,000 an pyansang pigrekomendar kan korte para sa saiyang temporarmenteng libertad.
An akusado presenteng nasa irarom kan kustodiya kan pulisya para sa magkakanigong disposiyon.