Wanted person sa pag eabag sa Forestry Code of the Philippines, arestado it Nabas MPS

NABAS, AKLAN โ€“ Arestado it Nabas MPS, RIU6 at 2nd APMFC, ro wanted person nga may kasong pag eabag sa Section 77 ng PD 705, as amended o Forestry Reform Code of the Philippines.

Ginserbi kahapon, October 18 ro warrant of arrest sa akusado nga sangka 47 anyos ag residente it Brgy. Buenafortuna, Nabas, Aklan.

Ro nasambit nga warrant hay gin isyu ni Hon. Presiding Judge Joebel Barrera Delmoro, RTC, 6th Judicial Region, Branch 2, Kalibo, Aklan ag may piyansang P12,000.

Kulong eon ro nasambit nga akusado sa Nabas MPS ag nakataeana nga i-turn over sa korte. / ANN DESLENE SALAZAR

Leave a Reply

Your email address will not be published. Required fields are marked *