Arestado sa drug buy bust operation ro sangka watchman sa slaughterhouse iya sa banwa it Kalibo.
Ginkilaea ro inarestong si Mark Dela Cruz ‘alyas’ Mac-Mac 28yo, taga Brgy. New Buswang ag temporaryong nagadayun sa sangka boarding house sa Oyo Torong St., Kalibo.
Naaresto raya sa anang boarding house kaina it hapon it gintingob nga pwersa it Aklan PPO-PDEU, Aklan PPO ag Kalibo MPS kung siin narekober ro 3 sachets it suspected shabu, P3,000 buy bust money ag sangka improvised tooter.
Sa interview it Brigada News FM Kalibo kay Police Major Frenzy Andrade it Aklan Provincial Drug Enforcement Unit, may tatlong dominggo eon nanda nga ginamonitor si Dela Cruz nga ginakabig nga newly identified drug personality.
Nasayuran nga sa Capiz segun kara ginabuoe ro nasambit nga droga.
Samtang, hugot nga ginapamalibaran ni Dela Cruz nga ana ro mga nabuoe nga droga kana ag owa segun imaw it record sa barangay ag sa pulis kaangot sa illegal nga droga.
Gin insister man ni Dela Cruz nga owa imaw nagabaligya it droga pero inako nana nga may daywang dominggo eon ro nagtaliwan kat ulihi imaw nga nag gamit it marijuana ag owa segun imaw nakagamit it shabu. // ANN DESLENE SALAZAR