Winwyn Marquez, Thia Thomalla, kabilang sa mga host para sa Miss World Philippines 2021

Magsisilbi bilang hosts ng Miss World Philippines ang ilang mga dating beauty queens kabilang na sina Reina Hispanoamericana 2017 Winwyn Marquez, Reina Hispano Filipina 2018 Alyssa Muhlach, at Miss Eco International 2018 Thia Thomalia.

Makakasama nila sina RJ Ledesma at aktor na si Xian Lim sa gagawing coronation night ng Miss World Philippines sa July 25.

Sa social media post ng Miss World Philippines Organization ay ipinakilala nito ang mga nasabing hosts.

Binanggit rin sa post na magkakaroon ng livestreaming ang coronation night.

Makikita naman sa Instagram account ni Winwyn ang litrato ng kaniyang sarili kung saan ay sinabi niya sa caption nito, “Thrilled to host The Miss World Philippines coronation night for the second time! See you all on July 25 and good luck to all the ladies competing!”

Mababatid na pag-aagawan ng 45 kandidata ang pitong titolo, kabilang na ang  Miss World Philippines, Miss Supranational Philippines, Miss Eco Philippines, Reina Hispanoamericana Filipinas, Miss Multinational Philippines, Miss Eco Teen Philippines, at Miss Tourism Philippines.

Leave a Reply

Your email address will not be published. Required fields are marked *