NAKIG-ALAYON na ang LGU sa mga law enforcers sa GenSan aron hugot ipatuman ang balaud batok basura.
Dungan sa pag-awas na sa mga basura nga nasulod sa sanitary landfill sa Barangay Sinawal, GenSan ug pagdaghan sa basura sa mga kanal, dagat ug mga bakanteng luna. Hugot nga pagpatuman sa balaud ug mga solid waste program sa sa Gensan ang solusyon sa nagkadagan nga basura.
Asa karon misaka na sa 100 hangtud 110,000 tons sa basura matag adlaw ang ilang nakolekta sa tibuok siyudad. Apan wala pa’y labot niini ang mga basura nga naa sa kadalanan, ginalabay sa mga sakyanan, irigasyon, kanal ug kadagatan.
Kini ang rason sa pakig-alayon nila sa law enforcers kauban ang kasundalohan aron hugot mapatuman ang balaud ug masilotan ang mosupak. Sa bahin ni Col. Jomar Alexis Yap, director sa General Santos City Police Office (GSCPO) welcome kanila ang pakig-alayon sa buhatan ni Pareja.
Tungod sa nakita niini, kakulangon sa trak nga nagakolekta ug naghakot sa basura sa mga kabalayan ug establisimento ang usa sa problema. Sa bahin ni Pareja, nagpalit na og dugang ekepo ang LGU aron makatabang sa pagpangolekta sa mga basura.
Ang GenSan, gawas sa nasudnong balaud batok sa paglabay sa basura, dunay ordinance no.49 asa hugot gibawal ang paglabay sa basura sa public places sama sa kadalanan, kanal, drainage, parke, plaza, simbahan, sapa ug dagat. I Richel Gubalani