LEGAZPI CITY – Nag-ani na an nagkapirang mga women panters kan saindang itinanom na mani sa Brgy. Bulusan, Libon, Albay, sa tabang kan Tulong Panghanapbuhay sa Ating Disadvantage/ Displace Workers (TUPAD) Program sa iradom kan Department of Labor and Employment (DOLE) Bicol.
Segun kay Albay 3rd District Congressman Fernando “Didi” Cabredo, an siring na aktibidad subuot, nagpapahiling nin wais na paggamit kan mga resources sa kapalibotan, orog na sa pagtatao nin kontribusyon kan lambang saro sa saindang lokal na ekonomiya.
Sinabi pa ni Cabredo na an pag-seseleberar subuot nin siring na mga trayumpo, saro man na paagi nin pagtatao nin inspirasyon sa kada saro na magsikap para sa sainda man sanang sadiri asin pag-tabang sa komunidad.
Sa mensahe man na ipinaabot ni Cabredo sa saiyang social media account, hinagyat kaini an gabos na padagos na maging mahigos para man subuot malabanan an pagtios.